Arabako Batzar Nagusien 40. urteurreneko erakusketa Amurrion dago ikusgai

Amurriok Arabako Batzar Nagusiek bere 40. urteurrena ospatzeko antolatutako erakusketa jasotzen du. Laudion izan ostean, uztailaren 6ra arte egongo da orain Amurrion. Arabako erakunde zaharrenaren efemeridea markatuko duten ekimenetako bat da.

Arabako beste sei kuadrilletan eta Trebiñuko Konderrian ikusgai egon ondoren, ‘Batzar Nagusiak, Arabaren ahotsa’ Arabako Batzar Nagusiak demokrazia-garaian berrezarri zirenetik igaro diren lau hamarkadak gogoratuko dituen erakusketak Arabako geografian barrena ibiltzen jarraituko du, Lurraldeko herritarrei legebiltzar honen historia eta egunerokoa hurbiltzeko. Erakusketak Arabako Lurralde Historikoaren historian hain errotuta dagoen erakunde hori, herritarrek hain ezezaguna duten arren, Batzar Nagusien benetako izateko arrazoia osatzen dutenengana hurbildu nahi du: arabarrengana.

Erakusketa osatzen duten kuboek Arabarako eta, bere kasuan bezala, Bizkairako eta Gipuzkoarako, 400 urtez baino gehiagoz herritarren zerbitzura egon zen erakundea berreskuratzeak izan zuen garrantzia helarazi nahi diete bisitariei, Karlisten Gerren ondoren, 1876an Canovas del Castillo Ministro Kontseiluko orduko presidenteak desegin ostean. Bere ondarea berreskuratzeko mende bat baino gehiagoko saiakeren ondoren, 1979an hiru Errege Dekretuk Arabako, Bizkaiko eta Gipuzkoako Batzar Nagusiak eta Foru Aldundiak berrezarri zituzten. Hala ere, 1980ra arte ez zen Arabako organo legegilea organo exekutibotik, hots, Foru Aldunditik, behin betiko banandu, eta Ganberako presidente bat aukeratu zen, ahaldun nagusiaz bestelakoa, botereen benetako banaketa sendotuz, beste sistema demokratiko moderno batzuen antzera.

Era berean, erakusketak azaltzen du nola ezartzen den Batzar Nagusietako osoko bilkura osatzen duten 51 prokuradoreak hautatzeko sistema, batzuetan prozesu nahasia edo ezezaguna den herritarren artean, eta gizarteak berak lau urtean behin egin beharrekoa, edo legebiltzar honek Arabako erakunde-sisteman betetzen dituen funtzioak (diputatu nagusia hautatzea eta kargutik kentzea, Lurraldeko aurrekontuak onartzea, foru-arauak onartzea edo foru gobernuaren lana kontrolatzea eta bultzatzea). Kuboek, halaber, azalpen labur bat ematen dute, Ganbera honetako lana nola antolatzen den azaltzeko, edo berreraikitze horretatik aurrera presidenteak eta ahaldun nagusiak nortzuk izan diren azaltzeko.

Eta amaitzeko, Arabako hiriburuko Prado eta Vicente Goikoetxea kaleek bat egiten duten lekuan dagoen egoitzari buruzko aipamen espliziturik ez da faltako. Eraikin horiek, 1868an eta 1881ean eraikiak, Lurraldearen ondarearen parte dira, eta, gaur egun, modu birtualean bisita daitezke ere, legegilearen web orrian (www.jjggalava.eus) herritarren eskura jarritako online bisita berriaren bidez.

‘Batzar Nagusiak, Arabako ahotsa’ erakusketa Arabako kuadrilla guztietan dauden hamar bat herritako ibilbidea eginten ari da urtearen lehenengo hilabeteetan, arabarrei 550 urte baino gehiagoz lagundu dien eta gaur egun ere Arabako herritarren ahotsa duen erakunde baten garrantzia zabaltzeko.

Amurrioko Udalak ‘Udan euskaraz blai’ aldizkaria egin du udan euskaraz gozatzeko

Amurrioko Udalak ‘Udan euskaraz blai’ aldizkaria egin du 6 eta 12 urte bitarteko umeentzat. Argitalpen horren bidez, udako oporretan ere, herriko ikastetxeetako ikasleek euskaraz irakurtzeko, margotzeko eta jolasteko aukera izatea bilatzen da. Horretarako, argitalpenak, Amurrion zentratutako ipuinak, jolasak, marrazkiak, bertsoak, txangoak eta denbora-pasak biltzen ditu.

Horrez gain, umeentzako aldizkariak euskararekin batera bestelako balioak lantzeko aukera emango du, eta Amurrioko ingurunea, historia eta kultura emango dira ezagutzera. Barruan, neskatoek eta mutikoek zenbait espazio eta pertsonaia ezagun aurkituko dituzte, GUKen eskultura, Juan Urrutia Plaza edo Iguarrako, besteak beste.

“Umeen eta helduen artean euskararen erabilera sustatzea da gure lehentasunezko helburuetako bat. Horretarako sortu dugu denbora-pasak eta gure herriaren historia eta kultura batzen dituen aldizkari hau, udan ere euskaraz gozatzeko eta ikasteko aukera emanez”, azaldu du Julen Sasiain euskara zinegotziak.

Guztira, 800 ale banatu dira gaur Amurrioko ikastetxeetako ikasleen artean. Aldizkaria udalaren webgunean ere egongo da. Gainera, umeek euren sorkuntza lanen argazkiak bidali ahal izango dituzte euskara@amurrio.eus helbidera eta horren truke “euskaraz bizi nahi dut” material sorta bat zozkatuko da.

UDAN EUSKARAZ BLAI ALDIZKARIA

Amurrioko Udalak 161.536 euro bideratu ditu Mendiko eta Zabaleko ikastetxeak hobetzeko

Amurrioko Udalak hainbat hobekuntza egingo ditu aurtengo udan Amurrioko Mendiko eta Zabaleko ikastetxeetan. Guztira, 161.536 euroko inbertsioa egingo da, eta horietatik 36.921 euro Eusko Jaurlaritzaren Udalaguntza programak emandako diru-laguntzekin ordainduko dira.

Mendiko ikastetxean, igogailura sartzeko arrapalan baranda bat jarriko da, instalazio elektrikoa berritzen jarraituko da eta eskolaurreko jolastokiko ur-bilketa hobetuko da. Era berean, haur-hezkuntzako geletako sabaiak hobetzea eta margotzea aurreikusten da.

Bai Mendiko ikastetxean, bai Zabaleko ikastetxean, jarraipena emango zaio jolastoki inklusiboen proiektuari, Elkartoki programaren bidez. Programa horrek gogoeta egitera, imajinatzera eta espazio komun horiek berriro definitzera gonbidatzen du. Bestalde, Zabaleko ikastetxean plataforma jasotzaile bat jartzeko lanak egingo dira, haur eta irakasle guztien irisgarritasuna ahalbidetzeko, eta estalkian hobekuntzak egingo dira.

“Urtero, Udalak, Eusko Jaurlaritzaren Udalaguntza programaren laguntzarekin, hainbat hobekuntza egiten ditu udalerriko ikastetxe publikoetan. Instalazioak etengabe hobetzea funtsezkoa da kalitatezko irakaskuntza publikoaren aldeko gure politikan”, adierazi du Txerra Molinuevo amurrioko alkateak.

Amurrio Udal Ekipamenduen Plan Zuzentzailea egiten hasi da

Amurrioko Udala, Udal Ekipamenduen Plan Zuzentzailea egiteko lehen pausoak ematen hasi da, horien egungo egoera ezagutzeko eta beharrak antzeman ahal izateko, udalerrian dauden eraikinak hobetzeko helburuarekin.

“Plan horren bidez, herritarrei kalitatezko ekipamenduak eskaini nahi zaizkie, eta erabilera, erosotasun eta eraginkortasun hobea izan dezaten beharrezkoak diren esku-hartzeak bildu nahi dira. Horretarako, plan hau partaidetzan oinarrituta egingo da, egungo eta etorkizuneko behar eta erronka sozialak kontuan hartu ahal izateko”, azaldu du Txerra Molinuevo Amurrioko alkateak.

Amurriok, besteak beste, umeentzako udal-ekipamendu, kirol-ekipamendu eta ekipamendu kultural, eta adinekoei zuzendutako ekipamendu sare zabala du. Ekipamendu horiek “elkarrekintzarako espazioak dira, leku inklusiboak izan behar dira, eta bertan, erabiltzaileen erosotasuna eta ongizatea ez ezik, beste irizpide batzuk ere hartu behar ditugu kontuan, hala nola irisgarritasuna, erosotasuna, autonomia eta segurtasuna edo erabileren balioaniztasuna”, Molinuevok esan duenez.

Plana egiteko prozesuak bi fase nagusi izango ditu: ekipamenduen diagnostikoa eta horietan esku hartzeko proposamen bat egitea.

Ekipamenduen azterketa teknikoa

Alde batetik, udalerriko eraikin publikoen, haien ezaugarrien, erabileren, gabezien, funtzionamenduaren eta abarren azterketa xehatua egingo da, herritarren beharrak lehendik dauden eraikin publikoetara eta horiek etorkizunean izango dituzten hobekuntzetara egokitzeko. Horretarako, hau egingo da:

  • Udalerriko eraikin publikoen azterketa, horien erabilerak, ezaugarriak, erabileraren egokitasuna eta gabeziak kontuan hartuta, besteak beste.
  • Hasierako diagnostikoa, eta azterketa xehatua behar duten eraikinen zerrenda egitea.
  • Eraikin publikoak optimizatzeko proposamen bat gauzatzea, eraikinen ezaugarriak eta erabilerak egokituta, eraberritzeko edo/eta handitzeko aukerei arreta berezia jarrita. Proposamenean herritarren partaidetza prozesuko ekarpenak sartuko dira.

Herritarren partaidetza

Prozesu tekniko hori osatzeko, herritarrek parte hartzeko prozesu bat egingo da, eta prozesu horrek prestaketa-fasea, diagnostiko-fasea eta proposamenak egiteko fasea barne hartuko ditu. Diagnostikoa egin aurreko prestaketa-fasean, lan-saioak egin dira udaleko teknikariekin eta politikariekin, eta talde-elkarrizketak egingo dira hainbat eragilerekin, genero-ikuspegia eta aniztasuna planean eta planaren garapen-prozesuan txertatzeko.

Datozen egunetan diagnostiko-faseari ekingo diogu Amurrioko bizilagunekin. 14 galderaz osatutako galdetegi bat jasoko dute euren etxeetan, udal-ekipamenduen egoerari buruz duten iritzia jakiteko eta beharrak hautemateko. Udaletxean, Kultur Etxean, Udal Liburutegian eta Bañueta kiroldegian dauden postontzietan utzi ahal izango dituzte uztailaren 6ra arte.

Era berean, online galdetegia bete ahal izango da Udalaren www.amurrio.eus orrian dagoen estekan. Gainera, ekainaren 25ean eta uztailaren 2an, bi stand jarriko dira ostiraletako merkatutik gertu, galdetegia betetzen laguntzeko eta beharrezkoak diren zalantzak argitzeko. Bestalde, herrilaguntzaileak hainbat udal eraikinetara hurbilduko dira galdetegia betetzen laguntzeko.

Diagnostikoaren partaidetza-fasea osatzeko, aurrez aurreko 3 saio sektorial egingo dira (kultura, kirola eta gizartea/asistentzia).

Diagnostiko teknikoan integratutako partaidetza-diagnostiko horretan oinarrituta, eragileen beharrak eta udal-baliabideen optimizazio- eta eraginkortasun-irizpideak bateratzeko proposamenak egiten joango gara.

Azkenik, ekipamenduak hobetzeko proposamenak jasoko dituen plana prestatzeari ekingo zaio, eta berriz ere eragile, teknikari, politikari eta herritarrak kontuan izango dira, plana lantaldeen eta sektore-saioen bidez eraikitzeko.

Galdetegia online betetezeko

Galdetegia

‘Amurrio oinetatik burura’ kanpainaren helburua herriko merkataritzan kontsumitzea bultzatzea da

Amurrioko merkataritzak eta zerbitzu sektoreak dituzten aukerak ezagutaraztea eta tokiko kontsumoa sustatzea dira ‘Amurrio oinetatik burura’ kanpainaren bi helburuak. Kanpaina Amurrioko Udalak, Amurrio Bidean-ek eta Izan Amurrio-k bultzatuko dute, Arabako Foru Aldundiaren finantza-laguntzarekin, uztailaren 31ra arte. Gainera, astero zozketa bat egingo da, eta zozketa horiei esker zure erosketa doakoa izan daiteke.

#Amurriodelospiesalacabeza traolarekin hainbat argazki argitaratuko dira ekainean eta uztailean, eta bertan herriko denda eta zerbitzuetan eros daitezkeen objektuak erakutsiko dira. Egindako 30 argazki baino gehiagoren bidez, “Amurrioko eskaintza zabalaren erakusleiho birtuala egin nahi da. Gaur egun, denetarik eros daiteke gure udalerrian, eta kanpaina honen bidez, gure denda eta zerbitzuetan kontsumitzea bultzatu nahi dugu”, adierazi du Txerra Molinuevo, Amurrioko Udaleko alkateak.

Kanpainaren jarraipena Amurrio Bideanen eta Izan Amurrioren Facebooken eta Instagramen egindako argitalpenetan egin ahal izango da. Astero, hainbat gairi buruzko zenbait irudi igoko dira, emakumeen, gizonen eta umeen moda, osagarriak, etxea, elikadura eta zerbitzu orokorrak, besteak beste.

Zure erosketa doan lortu dezakezu

Kanpainaren helburua herrian kontsumitzea sustatzea da. Horretarako, argazkiak sare sozialetan zabaltzearekin batera, zozketa bat egingo da astero, ekainaren 1etik uztailaren 31ra bitartean egindako erosketengatik. Parte hartu nahi duten pertsonek udalerriko sektore desberdinetako (etxea, moda, osagarriak, zerbitzu pertsonalak eta orokorrak, ostalaritza) 3 saltokitan edo zerbitzutan erositako 3 artikuluren irudia igo beharko dute Facebookera edota Instagramera. Gainera, #Amurriodelospiesalacabeza kanpainako traola erabili beharko dute, eta produktu edo zerbitzu horiek erosi diren lekua aipatu, eta, ahal bada, argazkian argitaratutako artikuluak etiketatu.

Parte-hartzaileen artean, egindako erosketaren balioa duen kupoi bat zozkatuko da astero, edo 100 eurokoa, produktuen baturak kopuru hori gainditzen badu. Horretarako, artikuluen tiketak gorde beharko dira, eta ekainaren 1etik uztailaren 31ra arteko data dutenek balioko dute.

Arte Eskolako, Herri Musika Eskolako eta Udal Dantza Eskolako matrikulazio irekia

Amurrioko Arte Eskolak datorren ikasturterako tailerren eskaintzarekin jarraituko du. Helduentzako bi proposamen berri nabarmentzen dira, argazki-tailer bat eta harrizko eskultura-tailer bat. Halaber, Herri Musika Eskolak eta Udalaren Dantza Eskolak ohiko eskolak ematen jarraituko dute

Juan Aranoa Udal Eskola Artistikoan egiten diren tailerretarako izen-ematea irailaren 17ra arte egongo da zabalik. Bestalde, Herri Musika Eskolan izena emateko epea irailaren 10ean bukatuko da. Bi aurrematrikula horiek aurrez aurre egin ahal izango dira Kultur Etxean, 10:00etatik 14:00etara, edo online, kulturetxea@amurrio.eus helbidearen bidez, izen-emate orria sinatuta bidalita.

Udalaren Dantza Eskolaren kasuan, matrikulazioa Amurrioko Udaleko Herritarrentzako Arreta Zerbitzuan egingo da, modu presentzialean zein online.

Arte Eskolako tailerrak

Arte Eskola izen-ematea

Herri Musika Eskola informazioa

Herri Musika Eskola izen-ematea

Dantza Eskola informazioa

Dantza Eskola Izen-ematea

Dantza Eskola online izen-ematea

Games Academyk tailer bat antolatu du Amurrion, aldez aurreko ezagutzarik gabe bideo-jokoak egiten ikasteko

Amurrio Bidean-ek, Euskadiko erakundeek Gasteizko F2P Campusaren bidez Euskadin bideo-jokoaren industria sustatzeko eta gazteen artean bokazio berriak sortzeko bultzatutako Games Academy ekimenarekin elkarlanean, tailer bat antolatu du ekainaren 30ean, 10:00etatik 14:00etara, Amurrioko El Reforreko instalazioetan.

Aldez aurreko ezagutzarik izan gabe bideo-jokoak sortzeko tailerraren helburua bertaratutakoei, aurretik ezagutzen ez zituzten tresnen erabilera hurbiltzea da. Bideo-jokoen garapenaren mundura modu errazean gerturatzea da xedea. Bestalde, parte-hartzaileek euren lehen mailak, mekanikak eta menuak sortu ahal izango dituzte, ikusizko oso tresna errazak erabiliz, eta horrela, lehen hartu-eman atsegin eta erraza izango dute bideo-jokoen munduarekin. Gainera, hutsetik hasita joko bat egiteko aukera ere izango dute.

“Tailerra bertaratutakoen jakin-mina eta interesa pizteko da, etxetik ikasten eta bideo-jokoak egiten jarraitu ahal dezaten, erabiltzen ikasi dituzten doako tresnekin. Azken batean, mundu mailan eta gure herrialdean etengabe hazten ari den sektore batean bokazioa piztea da helburua”, azaldu dute Games Academytik.

2018an, Espainiako bideo-jokoen industriak 1.530 milioi euro baino gehiago fakturatu zituen (aurreko urtean baino % 12 gehiago) eta dagoeneko 6.000 pertsonari baino gehiagori ematen die lana. Bestalde, bideo-joko horiek diseinatzeko eta garatzeko behar diren profilak askotarikoak dira, eta horrek esan nahi du sektore horretan interesa duten gazteek aukera ugari dituztela.

Doako izen-ematea

Tailerra doakoa da, baina aldez aurretik izena eman beharko da Amurrio Bidean-en, 945891721 telefono-zenbakian edo formacion@amurriobidean.org helbidean. 14 urtetik aurrerako gazteei dago zuzenduta bereziki, eta ez da beharrezkoa izango aurretik gaiari buruzko ezagutzarik izatea.

Amurriok Emakumeen Etxeei buruzko erakusketa hartuko du ekainaren 14tik 23ra

Amurrioko Udaleko Berdintasun Sailak, Emakunderekin lankidetzan, Emakuneen Etxeei buruzko erakusketa bat antolatu du. Erakusketaren helburua herritarrei Emakumearen Etxe bat zer den eta zer helburu duen hurbiltzea da, gune horiei buruzko ezagutza zabaltzeko. Horretarako, ekainaren 14tik 23ra bitartean azalpeneko panelak jarriko dira Juan Urrutia plazan.

Horrela, Emakumearen Etxeari buruzko azalpen bat jasoko da; gune feminista da emakume guztientzat, eta batasunerako, eztabaidarako, gogoetarako eta hazkunderako topaleku gisa balio du. Era berean, erakusketak ahalduntze feminista zer den eta horretaz zergatik hitz egiten dugun azaldu nahi du.

Erakusketan bertan, koaderno bat jarriko da. Bertan, batetik, erakusketaren informazioa zabalduko da, eta, bestetik, gunea bisitatzen duten emakumeek, emakumeen ahalduntzeari buruz izan ditzaketen ideiak eta proposamenak eman ditzaten bilatzen da.

 

Amurrioko kintoak ostiral honetan irtengo dira errondan

Amurrioko kintoak errondan irtengo dira ostiral honetan, Covid-19ak sortutako egoeraren ondorioz otsailean Santa Ageda bezperako ohiko ekitaldia atzeratu ostean. 2003an jaiotako gazteak, hau da, 2021ean 18 urte betetzen dituztenak (aurten 75 inguru), hainbat taldetan abestuko dute, eta udalerriaren erdialdean, Lezaman, Larrinben eta Izorian banatuko dira.

Ostiralean, ibilbide guztiak egin ondoren, kintoak 13:30ean elkartuko dira Juan Urrutia parkean abesteko. Arratsaldean, Guk plazan, udaletik bi kontzertu antolatu dira: Ilargiak herriko taldea 19:00etan arituko da, eta Fan&go kontzertua 20:00etan izango da, agintariek ezarritako neurriak betez, edukiera mugatua aulkiekin, pertsonen arteko tartea eta sarrera eta irteera antolatuta.

Errondan irten arren, aurreko urteekin alderatuta egongo den alde nagusia kintoak kantatzera aterako diren arren, ez dutela dirurik jasoko izango da, diruaren bidezko kontaktua saihesteko.

ReforAmurrio Enpresaldea hazitegian eta enpresa-zentroan sartzeko deialdi berria

Ekainaren 1etik 30era bitartean zabalik egongo da eskabideak aurkezteko epea

 Lokalak zerbitzu-sektorean (“bulegoak”) lan egiten duten edo egingo duten enpresa edo pertsona sustatzaileentzat dira.

Hazitegiaren eta enpresa-zentroaren kasuan, modulu edo bulego bakoitzaren alokairu-prezioan sartuta daude alokatutako lokal bakoitzaren kontsumoak eragindako gastuak, hala nola elektrizitatea, Interneterako konexioa, berogailua, garbiketa, etab., baita zerbitzu komun batzuk ere; harrera, officea, postontzi pribatua, lokalen mantentze-lanak, segurtasun-sistema, bilera-gelak, etab.

Eskabidea aurkezteko unean jarduerari alta eman zitzaionetik hiru urte baino gutxiago daramatzaten enpresa edo pertsona sustatzaileek hobaria dute dagoeneko finkatuta dauden enpresen aldean.

Gainera, hobari gehigarriak aplikatzen dira enplegua sortzeagatik (% 20tik% 37ra) eta garatu beharreko jarduera berritzailetzat jotzen bada (% 10-% 25), betiere moduluak 25m2 gainditzen baditu. Bi hobari-ehunekoak bateragarriak dira, betiere % 50 gainditzen ez bada.

Une honetan, 10,36m2 eta 34,66 m2 bitarteko  moduluak libre daude.

COVID-19k eragindako egungo egoera kontuan hartuta, jarduketa-protokolo bat jarri da abian instalazioen erabiltzaile diren pertsonen eta enpresen segurtasuna bermatzeko, osasun-agintarien eta Eusko Jaurlaritzaren gomendioei jarraikiz.

Interesa duten pertsona eta enpresa guztiek informazioa kontsultatu edo zabaldu dezakete Amurrio Bideanen (El Refor Kalea sn) Tel.: 945 891721. E-mail administracion@amurriobidean.org

www.amurriobidean.org