Hazilan programa maiatzean amaitu da parte hartu duten 9 pertsonetatik 5ekin lanean

Amurrio Bideanek antolatzen duen Hazilan programaren bosgarren edizioa 5 gaztek beren helburu profesionalekin bat datorren ihardueran lan egiten bukatu da, veste batek lana aktiboki bilatzen, eta hiruk helburuak lortzeko ikasketak berrartzea erabakz.

Urrian hasiko da Hazilan programaren seigarren edizioa.

Hazilanen azken edizio honetan ez-ohikoa izan da eta Covid-19k markatu du. Prestakuntza aurrez aurre egin da, eta ez da arazo gehigarririk egon praktikak bilatzeko. Horregatik, eskerrak eman nahi dizkiegu parte-hartzaileei eta enpresei hartutako jarrera eta prebentzio-neurriengatik. Edizio honetan Amurrioko 9 pertsonek hartu dute parte; 2 emakumek eta 7 gizonek, horietatik 4 heziketa-zikloetakoak ziren eta 5 gradutakoak.

Parte hartu duten pertsonetatik 6k praktikak egin dituzte enpresetan, eta batek negozio-ideia baten bideragarritasun-plana garatu du. Bi amaiera aurreratu izan dira: bat lan-merkatuan sartu delako, eta bestea bere lanbide-helburuekin lotutako beste prestakuntza bat jorratzea erabaki duelako. Enpresetan praktikak egin dituzten 6 pertsonetatik 2k bertan lanean jarraitzen dute, eta beste 2k beste erakunde batzuetan lana aurkitu dute programan zehar.

Hazilan-en lehen ediziotik gaur arte, 55 pertsonek parte hartu dute, eta horien % 46k lanean amaitu dute programa. Kopuru oso ona da, kontuan hartuta 2019ko programaren txertaketak barne hartzen dituela, eta Covid-19k lan barnertaze tasari kalte larriak eragin zizkiola.

Hazilan kalitatezko enplegua bilatzen duten pertsona kualifikatuentzako prestakuntza-programa da. Prestakuntza eta coaching-a dira, trebetasun sozioprofesionalak eta digitalak hobetzeko, parte-hartzaileari enplegua bilatzeko prozesua hobetzen laguntzen diotenak, bai eta enpresetan praktikak egitea edo enpresa-bideragarritasuneko planak garatzea ere, Amurrioko Udalaren Gazte Planaren bidez formakuntza beka bat jasoz.

Programa honetan parte hartzeko baldintzak honako hauek dira: 20 eta 44 urte bitartean izatea, goi-mailako heziketa-zikloko gutxieneko ikasketak izatea eta enplegu-bilaketa aktiboan egotea. Lehentasuna dute Amurrion erroldatutako pertsonek, eta horiek bakarrik dute beka jasotzeko aukera.

Gaur egun, urrian hasiko den edizio berria antolatzen ari dira. Informazio gehiago nahi izanez gero, jarri harremanetan Amurrio Bideanekin.

Jarduera hori EGF HAZILAN 2014-2020 POren esparruan garatzen da, eta EGFek % 50ean finantzatzen du.

 

 

ReforAmurrio Enpresaldea hazitegian eta enpresa-zentroan sartzeko deialdi berria

Ekainaren 1etik 30era bitartean zabalik egongo da eskabideak aurkezteko epea

 Lokalak zerbitzu-sektorean (“bulegoak”) lan egiten duten edo egingo duten enpresa edo pertsona sustatzaileentzat dira.

Hazitegiaren eta enpresa-zentroaren kasuan, modulu edo bulego bakoitzaren alokairu-prezioan sartuta daude alokatutako lokal bakoitzaren kontsumoak eragindako gastuak, hala nola elektrizitatea, Interneterako konexioa, berogailua, garbiketa, etab., baita zerbitzu komun batzuk ere; harrera, officea, postontzi pribatua, lokalen mantentze-lanak, segurtasun-sistema, bilera-gelak, etab.

Eskabidea aurkezteko unean jarduerari alta eman zitzaionetik hiru urte baino gutxiago daramatzaten enpresa edo pertsona sustatzaileek hobaria dute dagoeneko finkatuta dauden enpresen aldean.

Gainera, hobari gehigarriak aplikatzen dira enplegua sortzeagatik (% 20tik% 37ra) eta garatu beharreko jarduera berritzailetzat jotzen bada (% 10-% 25), betiere moduluak 25m2 gainditzen baditu. Bi hobari-ehunekoak bateragarriak dira, betiere % 50 gainditzen ez bada.

Une honetan, 10,36m2 eta 34,66 m2 bitarteko  moduluak libre daude.

COVID-19k eragindako egungo egoera kontuan hartuta, jarduketa-protokolo bat jarri da abian instalazioen erabiltzaile diren pertsonen eta enpresen segurtasuna bermatzeko, osasun-agintarien eta Eusko Jaurlaritzaren gomendioei jarraikiz.

Interesa duten pertsona eta enpresa guztiek informazioa kontsultatu edo zabaldu dezakete Amurrio Bideanen (El Refor Kalea sn) Tel.: 945 891721. E-mail administracion@amurriobidean.org

www.amurriobidean.org

 

 

Ekaineko azken astean orga jasotzaileei buruzko ikastaroa emango da Amurrio Bideanen

20 orduko ikastaro trinkoa izango da, batez ere Amurrion langabezian dauden eta orga jasotzaileak erabili behar dituzten lanetara sartu nahi duten pertsonei zuzendua.

Parte-hartzaileek oinarrizko eta ezinbesteko ezagutzak eskuratuko dituzte, beren lana orga jasotzaileak eskuarki edo noizean behin segurtasun-baldintzetan maneiatuz egin ahal izateko.

Aprobetxamendudun prestakuntza amaitu ondoren, parte hartzaileei alta emango zaie Metalaren Fundazioan, eta horrela egiaztatuta geratuko da jasotako prestakuntza.

Prestakuntza Amurrioko Udalak finantzatuko du eta 20 ordukoa izango da. Horietatik 4 praktikoak izango dira, eskorgarekin. Ekainaren 28tik uztailaren 1era egingo da, astelehenetik ostegunera, 09: 00etatik 14: 00etara, Amurrio Bidean-eko instalazioetan. Izen-emateak jasotzeko data ekainaren 7an hasiko da, eta hautagaien lanbide-profilaren arabera lehenetsiko da. Positiboki balioetsiko da emakumea izatea, metal sektorean emakumeen sarrera sustatzeko.

Prestakuntza hori nahitaezkoa da metalaren sektorean orga jasotzaileekin lan egingo duten pertsona guztientzat aplikatzekoa den hitzarmen kolektiboaren arabera. Prestakuntza horrekin, metalaren sektoreko industria, teknologia eta zerbitzuen estatuko III. Hitzarmen Kolektiboan (CEM) ezarritakoa betetzen da. Hitzarmen horrek arautzen dituen enpresetan mantentze- eta ekoizpen-jarduerak egin ahal izateko derrigorrezko prestakuntza da, eta, gainera, eskorga jasotzaileak erabiltzeko ahalmena bermatzen du, Laneko Arriskuen Prebentzioari buruzko azaroaren 8ko 31/1995 Legearen arabera.

 

Ekintzaileei zuzendutako Lanbideren diru-laguntzen deialdi berria

Diru-laguntza bat negozio-ideia lantzeko da (1.000 €) eta beste bat jarduera martxan jartzen laguntzeko (1.500 €).

Eskaerak aurkezteko epea irekita egongo da apirilaren 23tik maiatzaren 17ra arte.

Laguntza hauen helburua da onuradunek modu esklusiboan eta tutoretzapean  negozio-ideia aztertzen eta bideragarritasun-plana garatzen edo jarduera abian jartzen jardun ahal izatea. Laguntzak bateragarriak dira besteren konturako lan batekin, baldin eta orduen zenbaketa osoan lanaldi osoaren% 30 gainditzen ez bada.

Aiarako Kuadrilla da Lanbiderekin elkarlanean dagoen erakundea gure eskualdean, baina eskaerak herri bakoitzean dagoen garapen-agentzian aurkeztu behar dira; kasu honetan, Amurrio Bideanen.

Erakunde hori arduratuko da, halaber, ekintzaileak zuzentzeaz 2 hilabeteko epean, negozio-ideia landu behar duten kasuetan, eta 3 hilabetez jarduerak martxan jartzeko proiektuetan.

Zehazki, aurten gure eskualdean negozio-ideia lantzeko 12 laguntza eman dira eta jarduerak martxan jartzeko 10 laguntza. Laguntzen kopuru jakin bat hogeita hamar urtetik beherakoei eta emakumeei eman behar zaie. Laguntza baino eskaera gehiago egotekotan, proiektuen eta hautagaien balorazio tekniko bat egingo litzateke, hautaketa-oinarrietan zehaztutako irizpideen araberakoa.

Informazio gehiagorako, Amurrio Bideanekin jarri harremanetan (El Refor kalea z/g); tel.: 945891721; helbide elektronikoa: autoempleo@amurriobidean.org.

Amurrioko Udalak herritarrei dei egiten die guztion artean udalerri garbiago bat lor dezagun

Administrazioak, enpresek, saltokiek, ikastetxeek eta herritarrek batera egin beharreko lana da

Amurrioko Udalak herritarrei dei egiten die guztion artean udalerri garbiago bat lor dezagun.

Amurrioko Udalak herritarrei dei egiten die guztion artean udalerri garbiago bat lor dezagun.

Ez da egiteko erraza, baina guztiok batera egin behar dugu, eta beharrezkoa da sektore guztiek parte hartzea (administrazioak, zerbitzua ematen duten enpresak, industriak, saltokiak, ikastetxeak eta herritarrak), bakoitzak duen erantzukizuna kontuan hartuta. 2021ean, administrazioan egitekoaren gure zatia beteko dugu, eta guztion erantzukizunari egiten diogu dei, bakoitzak bere zatia bete dezan. GUZTIOK IRABAZTEN BADUGU, ZUK ERE IRABAZIKO DUZU!

ZER EGIN DEZAKEGU UDALERRI GARBI ETA ARDURATSU BATEN ALDE?

Administrazioak:

–              Kalitatezko zerbitzua ematea bermatu, eraginkorra eta bilketa- eta garbiketa-maiztasun egokiekin.

–              Ematen diren zerbitzuak eta horien erabilera-baldintzak behar bezala arautu eta finantzatzen dituzten ordenantzak idatzi, onetsi eta bete.

–              Zerbitzuak gehitu eta momentuko hainbat beharretara egokitu.

–              Europar Batasunak ezarritako helburuak betetzeko lan egin: 2025. urterako hondakinen % 65 birziklatu, sentsibilizazio-kanpainak egin, bosgarren edukiontziaren hedatze osoa, etab.

Zerbitzua ematen duten enpresek:

–              Kalitatezko zerbitzua ematea bermatu, eraginkorra eta bilketa- eta garbiketa-maiztasun egokiekin, administrazioarekin sinatutako kontratuen arabera.

Industriek:

–              Ekonomia zirkularra gauzatzen denean sortzen diren hondakinak murriztu, produkzio-prozesuan berriz sartu, ekodiseinua, etab.

–              Indarrean dagoen legeriak adierazten duen moduan, bakoitzaren produkzio-prozesuan sortutako hondakinen kudeaketa bere gain hartu.

–              Dauden enbalajeen hondakinen bilketaren, atez ateko bilketaren eta gainerakoen zerbitzu espezifikoak erabili.

–              Gainerako herritarren moduan sortzen dituzten eta hiri hondakinen barnean sar daitezken hondakinen kudeaketarako udal-zerbitzuak behar bezala erabili.

Saltokiek:

–              Indarrean dagoen legeriak adierazten duen moduan, bakoitzaren produkzio-prozesuan sortutako hondakinen kudeaketa saltokiaren gain hartu.

–              Dauden enbalajeen hondakinen bilketaren, atez ateko bilketaren eta gainerakoen zerbitzu espezifikoak erabili.

–              Gainerako herritarren moduan sortzen dituzten eta hiri hondakinen barnean sar daitezken hondakinen kudeaketarako udal-zerbitzuak behar bezala erabili.

Hezkuntza-zentroek:

–              Eskolako Agenda 2030 programaren bidez, etorkizuneko belaunaldiak iraunkortasunean hezi; aurten, klima babesteko ekintza landuko da.

–              Sortzen diren hondakinak banatu, ondoren ikasleen parte-hartze aktiboarekin birziklatzeko.

–              Konpostajea egin, modu organikoan birziklatu eta hondakinak alferrik galtzearen aurka lan egin.

–              Kontsumo iraunkorra, trukea, berrerabiltzea eta hondakinen birziklatzea sustatu.

Herritarrek:

–              Sortzen diren hondakinak murriztu, zero hondakinaren biderantz.

–              Modu arduratsuan kontsumitu, enbalajeak murriztu eta bigarren bizitza bat eman hondakinei berrerabiltzearen bidez.

–              Etxean sortutako hondakinak behar bezala banatu eta dagokion edukiontzian jarri.

  • Urdina: papera eta kartoia.
  • Horia: ontzi arinak.
  • Berdea: beirazko ontziak.
  • Marroia: materia organikoa.
  • Grisa: errefusa.
  • Laranja: etxeko olioa.
  • Zuria: arropa, zapatak, liburuak, etab.
  • Garbigune txikia: pilak, CDak, tinta-kartutxoak, gailu elektroniko txikiak eta bestelakoak.

–              Gogoan izan maskoten gorotzak biltzea.

  • Kalean hondakinak uzteak zigorrak ezartzea ekar dezake.

–              Debekatuta dago edukiontzietatik kanpo edozein motatako hondakinak kalean uztea, baita bilketa-egunetik kanpo tamaina handiko hondakinak eta bestelakoak uztea ere.

  • Tamaina handiko hondakinak biltzeko zerbitzua ostiralero ematen da. Aldez aurretik eskatu behar da edozein hondakin biltzeko, 900 101 476 telefonora deituta edota Línea verde aplikazioaren bidez. Abisua eman ondoren, ostegun arratsalde-gauean etxetik hurbilen dagoen edukiontziaren ondoan jarri hondakinak.
  • Garbigune-zerbitzu bat dago, eta bertan hondakinak utzi daitezke, 10:00etatik 14:00etara eta 15:00etatik 18:00etara, Larrabe auzoko hilerriaren ondoan.
  • Edukiontziak gaizki erabiltzeak eta hondakinak edukiontzietatik kanpo eta bilketa-egunetatik kanpo uzteak zigorrak ezartzea ekar dezake.

ReforAmurrio Enpresaldea hazitegian eta enpresa-zentroan sartzeko deialdi berria

Abenduaren 1etik 29ra bitartean zabalik egongo da eskabideak aurkezteko epea

 

Lokalak zerbitzu-sektorean (“bulegoak”) lan egiten duten edo egingo duten enpresa edo pertsona sustatzaileentzat dira.

Hazitegiaren eta enpresa-zentroaren kasuan, modulu edo bulego bakoitzaren alokairu-prezioan sartuta daude alokatutako lokal bakoitzaren kontsumoak eragindako gastuak, hala nola elektrizitatea, Interneterako konexioa, berogailua, garbiketa, etab., baita zerbitzu komun batzuk ere; harrera, officea, postontzi pribatua, lokalen mantentze-lanak, segurtasun-sistema, bilera-gelak, etab.

Eskabidea aurkezteko unean jarduerari alta eman zitzaionetik hiru urte baino gutxiago daramatzaten enpresa edo pertsona sustatzaileek hobaria dute dagoeneko finkatuta dauden enpresen aldean.

Gainera, hobari gehigarriak aplikatzen dira enplegua sortzeagatik (% 20tik% 37ra) eta garatu beharreko jarduera berritzailetzat jotzen bada (% 10-% 25), betiere moduluak 25m2 gainditzen baditu. Bi hobari-ehunekoak bateragarriak dira, betiere % 50 gainditzen ez bada.

Une honetan, 10,36m2 eta 34,66 m2 bitarteko lau modulu libre daude.

COVID-19k eragindako egungo egoera kontuan hartuta, jarduketa-protokolo bat jarri da abian instalazioen erabiltzaile diren pertsonen eta enpresen segurtasuna bermatzeko, osasun-agintarien eta Eusko Jaurlaritzaren gomendioei jarraikiz.

Interesa duten pertsona eta enpresa guztiek informazioa kontsultatu edo zabaldu dezakete Amurrio Bideanen (El Refor Kalea sn) Tel.: 945 891721. E-mail administracion@amurriobidean.org

www.amurriobidean.org

 

Argitaratu da +65 Nagusiak Aurrera aldizkari berriaren lehen alea

Amurrioko Adinekoen Batzordearen argitalpena da

+65 Nagusiak Aurrera Amurrioko Adinekoen Batzordearen aldizkaria da, eta abenduan lehen alea argitaratuko da, Amurrioko Udalak editatuta. Hasieran 300 ale argitaratuko dira, eta irakurri nahi dutenek udaletxean, Kultur Etxean, liburutegian eta Nagusin (irekita dagoenean) lortu dezakete, baita administrazio-batzarren gizarte-zentroetan ere. Gainera, herri-laguntzaileek aldizkaria adinekoei banatuko diete ostiraletan.

+65 Nagusiak Aurrera aldizkariaren helburua da informatzea, entretenitzea, irakurketa-ohiturak sortzea eta bizitza osasuntsua sustatzea, baita “adinekook gizarte honetan ditugun gizarte-arazoetara hurbiltzea, gizarte horren alde borrokatu baikara beti hobetzeko asmoarekin. Gure aldizkaria heldu da zuregana, eta haren xedea da informazio-, aisialdi-, kultura-, umore- eta ezagutza-prozesu bat sortzea oro har gizarteari eta bereziki adinekoei eragiten dieten arazo larrien inguruan, gozatzeko, ondo pasatzeko eta ahalik eta probetxurik handiena ateratzeko”, adierazi du Amurrioko Adinekoen Batzordeak. Hamabi orrialde koloredun ditu, honako atal finko hauekin: bizitza aktibo eta osasuntsua, euskara, gizarte-zerbitzuen aholkularitza, elkarrizketa, nire txoko gustukoena, entretenimenduak, aisialdia eta denbora librea, Nagusiren programazioa eta Amurrioko monumentu-ondareari buruzko kontrazala. Oraindik ez da periodikotasuna zehaztu, lehen esperientzia pilotu honen arabera finkatuko da; proiektuak Batzordearen zalantzak aztertu nahi ditu, eta irekita dago Amurrioko edozein adinekoren parte-hartzeari begira.

Amurrio 2020 Erakusketa Filateliko numismatikoa azaroaren 14an inauguratuko da La Casona aretoan

Aurten, behin‑behineko posta‑bulegoko zigilu‑markak Juan de Urrutia Zuluetaren irudia darama.

Aurten ere urteko Amurrioko Erakusketa Filateliko‑numismatikoa iritsiko da La Casona erakusketa‑aretora, zeina COVID‑19aren pandemiaren aurkako segurtasun arauak betetzeko egokitu den. Herriko Asociación Cultural Filatélica Numismática Armuru elkartearen eskutik izango da, eta azaroaren 14an ireki eta 28ra arte egongo da zabalik. Honako hau da bisitetarako ordutegia: asteartetik ostiralera, 10:00etatik 13:00etara eta 17:00etatik 19:00etara; eta larunbat, igande eta jaiegunetan, 10:00etatik 14:00etara. Aurten, oso lagin zabala egongo da: pezeta‑txanponak, euroak, zirkulazioan daudenak, tematikoak, zibilizazioak, lanbideak, eta Estatuko eta Euskadiko billeteak. Horrez gain, zirkulazioan egon ez diren txanponak eta ontzak egongo dira, baita kasinoko fitxak eta kooperatibetako txapak ere.

Azaroaren 17an, asteartean, behin‑behineko posta‑bulegoa irekita egongo da 17:00etatik 19:00etara. Edizio honetan, Juan de Urrutia Zulueta amurrioarraren irudia duten zigilu‑markak izango ditugu; Juan de Urrutia Zuluetaren estatua izen hori bera duen plazan dago. Bestalde, Filatelia atalean Gurutze Gorria gai duten zigiluen bost koadro eta Amurrioren posta‑marka bi egongo dira. Egun horietan, gainera, bi hitzaldi daude aurreikusita: lehena, hilabete bereko 18an, asteazkenean, arratsaldeko 18:30ean, zigiluei buruzkoa; eta, bigarrena, hurrengo egunean, azaroaren 19an, txanponen ingurukoa. Aretoan, beste edizio batzuetan bezala, “Jakintza numismatikoa” lehiaketa ospatuko da. Helburua jakin‑mina sortzea da. “Erakusketa bisitatzen duten gazteek numismatikan interesa izan dezaten nahi dugu, eta, hala, belaunaldi aldaketa sustatzea”, adierazi du elkarteak.

“JAKINTZA NUMISMATIKOA” LEHIAKETA

* Munduko txanponen eta billeteei buruzko galdera‑lehiaketa da.

* Normalean, fitxa batean erantzun beharreko hiru galdera daude: Zein kontinentetakoa da billete hau? Zein herrialdetakoa da txanpon hau? eta, Zer irudikatzen da (animalien mundua, kulturala, etab.)?

* Opari gisa, egungo eta iraganeko munduko txanponak emango dira.

* Fitxan honako datu hauek idatzi behar dira: lehiakidearen izena, helbidea eta telefono-zenbakia.

 

 

Udazken honetan ospatuko da Liburu Azoka Amurrion, azaroaren 12tik 15era, Elexondo pasealekuan, Juan Urrutia plazaren parean

Aurreko edizioetan, gure herrian gehien eskatu ziren gaiak mikologia, gastronomia, botanika eta historia izan ziren.

Amurriok urtero  udaberrian ospatu ohi du Liburu Azoka; baina, urte berezi honetan, udazkenera atzeratu behar izan dugu. Pandemiak eragindako egoerak ahalbidetzen badu, hasiera batean, ospakizuna azaroaren 12tik 15era bitartean egingo dugu. Elexondo pasealekuan kokatuko da, Juan Urrutia plazaren parean, eta 11:00etatik 14:00etara eta 16:30etik 20:30era irekita egongo diren 14 postuk osatuko dute azoka. Bertan, euskara eta gaztelaniazko argitaletxeen zein diskoetxe euskaldunen azken berritasunak izango ditugu % 10eko beherapenarekin, eta salgai‑hondarren atal bat ere egongo da. Azoka hau Euskadiko Liburuaren Ganbarak antolatzen du bertako Udalaren laguntzarekin, eta horren helburua da irakurketa sustatzea; izan ere, jarduera intelektual honek adin guztietako jendeari ateak irekitzen dizkio abentura, intriga, fantasia, historia, amodioa eta amaigabeko munduetara, eta, aldi berean, irakurlea beste garai eta leku batzuetara eramaten du.

Euskadiko Liburuaren Ganbararako azoken urteko kanpainaren koordinatzaile Asier Muniategik adierazi du gehien irakurtzen diren berritasunak Toti Martínez de Lezea, Jon Arretxe, Candela Jaio, Elvira Lindo, Isabel Allende eta Ken Follett autoreenak direla. Muniategik adierazi du, aurreko edizioetako esperientziaren arabera, “Amurrion gehien eskatzen diren gaiak mikologia, gastronomia, botanika eta historia direla, eta bidaia‑liburu eta haur eta gazteentzako liburuak irakurtzen dituen jende asko ere badagoela”. Aurten, gainera, 1920ko hamarkadako euskal literaturaren erakusketa bat egongo da.

Idazleek liburuak sinatzea

Asteburuan, Muniategik aurreratu duenez, espero da idazleak etortzea liburuak sinatzera. “Oraindik ezin ditugu ordua eta eguna zehaztu, baina etortzekoak dira Inma Roiz eta Miren Palacios idazle arabarrak eta José Javier Abaloso eta José Luis Urrutia idazleak ere. Horiek azokara etorri eta liburuak sinatuko dizkiete hala eskatzen duten herritarrei”. Halaber, herritarrei arduratsuak izateko eskatu die, segurtasun‑distantzia mantentzeko eta desinfektatzeko gela erabiltzeko. “Orain arte berrantolatutako azoka guztietan jokabidea errespetuzkoa eta adeitsua izan da, eta horrela jarraitzeko asmoa dugu”, amaitu du Muniategik.

Online ikastaroak eskaintzen dira etxeko konpostajearen inguruko prestakuntza emateko eta etxeko konpostagailu bat egiten irakasteko

Azaroaren 18a baino lehenago eman beharko da izena.

Amurrioko bizilagunek konpostajeari eta gaikako bilketari buruzko online ikastaroetan eta mintegietan parte hartu ahal izango dute. Horiek Aiarako Kuadrillak antolatu ditu Hondakinak Prebenitzeko eta Birziklatzeko Europako Astea dela eta. Ekimen hau “Etekin atera zure hondar organikoetatik” lelopean gauzatuko da.

Konkretuki, bi online saio emango dira. Horietako bat, “Etxeko konpostajeari buruzko oinarrizko prestakuntza” izenekoa, azaroaren 20an (ostirala) izango da, 18:00etan.

Bigarren saioa, berriz, “Konpostagailu bat etxean nola egin eta lortutako konposta nola erabili”, azaroaren 27an (ostirala) izango da, 18:00etan. Halaber, dibulgazio‑saio bat ere emango da, euskaraz, eskoletan zuzenean, azaroaren 27an, “Hondakinak eta gaikako bilketa” gaiaren inguruan.

Interesdunek, parte hartzeko, azaroaren 18a baino lehenago eman beharko dute izena. Horretarako, mezu elektroniko bat bidali beharko dute aiaraldea.konposta@gmail.com helbidera interesatzen zaizkien saioak adierazita. Azaroaren 20ko saioan parte hartuko dutenen artean 25 konpostagailu eta 25 aireztagailu zozkatuko dira. Geroago, Aiarako Kuadrillako YouTube kanal berrian ikusi ahal izango dira saio horiek eta Aiarako Kuadrillaren webgunean konpostajeari buruzko eskuliburu berria jarriko da nahi duenak deskargatzeko.

Konpostagailuen sarea

Aldi berean, Aiaraldeko Konpostagailuen Sareari atxikitako familien jarraipena egingo da. Horretarako, berrogei bat bisita edota elkarrizketa egingo dira sareari atxikitako familien artean.