Udalak babeserako elementuak emanez Amurrioko enpresek erakutsi duten elkartasuna eskertu du

Megatech Industries enpresak, Amurrio Bideanekin, udalerriko Toki Garapenerako Agentziarekin, harremanetan jarri ondoren, fabrikatzen aritu den norberaren babeserako ekipoak eman ditu, udalerriko zenbait erakunderen artean banatzeko, koronabirusaren aurrean babesteko. Ekintza solidario hori, 200 maskara baino gehiagoko ekarpena egin zuen Kopas enpresak egindakoari eta 3.000 maskara kirurgiko banatu zituen Tubacexen ekintzei gehitu behar zaie.

Aurreko astean, enpresak udalerriaren alde lanean izan zituen bere injektagailuak, eta gaurtik aurrera, maskarak eskuragarri egongo dira, saltokiek, ostalaritza sektoreak eta zerbitzuetako enpresek udalerriko Turismo Bulegoan jaso ahal ditzaten, astelehenetik ostiralera, 10:00etatik 13.00etara, maiatzaren 22ra arte. Bakoitzak bi maskara eskuratu ahal izango ditu gehienez, jasotzeko puntuan identifikatu ondoren. Anbulatorioak eta Egoitzak badituzte euren maskarak.

Amurrioko Udalak koronabirusari aurre egiten lagundu duten udalerriko enpresen interesik gabeko ekintza eskertu eta ekimenen izaera solidarioa azpimarratu nahi du. Denon artean lortuko dugu.

Horrez gain, oihalezko maskarak egiten eta Amurrioko herritarren artean banatzen ari diren pertsonen interesik gabeko lana ere eskertu nahi du.